ဂျာကတာ၊ မတ် ၁၀
ရုရှားထံမှ ကျောက်မီးသွေးတင်ပို့မှု ရပ်တန့်နေခြင်းကြောင့် တရုတ်နိုင်ငံသည် အင်ဒိုနီးရှားနိုင်ငံမှ ကျောက်မီးသွေးဝယ်ယူလာနိင်သည်ဟု CLSA မှ ပြောကြားခဲ့သည်။
ယူကရိန်းမှာ ရုရှားရဲ့စစ်ပွဲဟာ အရှေ့တောင်အာရှတခွင်မှာ တူညီတဲ့အကျိုးသက်ရောက်မှုရှိဖို့ မဖြစ်နိုင်ဘူးလို့ CLSA မှ အန်တိုနီ နတ်ဖာတီ Anthony Nafte ကပြောပါတယ်။
ဒေသတွင်းရှိ စီးပွားရေးအများအပြားသည် အသားတင်ရေနံတင်သွင်းသူများဖြစ်ပြီး “အတော်လေး ဖိအားပေး ခံနေရသည်” ဟု နတ်ဖာတီ Nafte က ဗုဒ္ဓဟူးနေ့တွင် CNBC ၏ “Street Signs Asia” သို့ ပြောကြားခဲ့သည်။ မကြာသေးမီက ကုန်ဈေးနှုန်းများ မြင့်တက်မှုသည် မျှော်မှန်းထားသည်ထက် အများကြီး မြင့်မားနေပြီး ရေရှည် ဖြစ်နိုင်သည်ဟု ၎င်းက မှတ်ချက်ပြုခဲ့သည်။
ရုရှားနိုင်ငံမှ ယူကရိန်းကို ကျူးကျော်ဝင်ရောက်ပြီးနောက် ကုန်စည်ဈေးနှုန်းများ မြင့်တက်လာခဲ့ပြီး ၂၀၀၈ ခုနှစ်ကတည်းက မမြင်ဖူးတဲ့ အဆင့်ထိ ရေနံစျေးနှုန်းများ မြင့်တက်လာခဲ့သည်။
ရုရှားသည် အဓိက ရေနံထုတ်လုပ်သူဖြစ်ပြီး ယူကရိန်းသည် ဂျုံနှင့်ပြောင်းကဲ့သို့သော အခြားကုန်စည်များကို အဓိက တင်ပို့သူဖြစ်သည်။
သို့သော်လည်း အင်ဒိုနီးရှားသည် ၎င်း၏ ကုန်စည်မောင်းနှင်မှု စီးပွားရေးကြောင့် လက်ရှိအခြေအနေတွင် “ကျိုးကြောင်းဆီလျော်စွာ ကောင်းစွာလုပ်ဆောင်နိုင်သည်” ဟု CLSA မှ အကြီးတန်းစီးပွားရေးပညာရှင် နတ် ဖာတီ Nafte မှ ပြောကြားခဲ့သည်။
“သူတို့ရဲ့ ပို့ကုန်တွေရဲ့ 50% ကျော်ဟာ ကုန်စည်တွေကနေ ဆင်းသက်လာတယ်၊ အခု သူတို့ရဲ့ ကုန်စည် စျေးနှုန်းတွေ ပိုကြာကြာ ဆက်ရှိနေဦးမယ့် အနေအထားကို ရနေပါပြီ” ဟု နတ်ဖာတီ Nafte မှ ပြောကြားခဲ့သည်။
ဥပမာအားဖြင့် ရုရှားသည် လက်ရှိတွင် တရုတ်နိုင်ငံသို့ ကျောက်မီးသွေးကို ဒုတိယအများဆုံး တင်သွင်းနေပြီး အနှောင့်အယှက်များကြောင့် ပေကျင်းသည် ကွာဟချက်ဖြည့်ရန် အင်ဒိုနီးရှားနိုင်ငံသို့ လှည့်သွားနိုင်ကြောင်း ၎င်းက ဆိုသည်။
“အင်ဒိုနီးရှားသည် စျေးနှုန်းအကျိုခံစားမှုမှသာမက အရေအတွက် ပမာဏပါ အကျိုးရှိလိမ့်မည်” ဟု သူက ဆက်လက် ပြောကြားခဲ့သည်။
တစ်ဖက်တွင် ထိုင်းနိုင်ငံ၏ စီးပွားရေးသည် “အခြားအစွန်း ရောက်” တွင် ရှိနေသည်ဟု ၎င်းက ဆိုသည်။
လက်ရှိအခြေအနေများသည် ပို့ကုန်နှင့် ခရီးသွားလုပ်ငန်းအတွက် ဆက်လက်ဦးတည်နေသည့် ထိုင်းနိုင်ငံအသည် “ကျန်နှစ်တစ်လျှောက်လုံး” ကြီးဆုံးစီးပွားရေး မောင်းနှင်သူဖြစ်သည် ဟု စီးပွားရေးပညာရှင်က ဆိုသည်။
“ကမ္ဘာ့ကုန်သွယ်ရေးကို ပို့ကုန်တွေအတွက် အနှောင့်အယှက်ပေးမယ့် ကြီးမားတဲ့ လမ်းကြောင်းတစ်ခု ဖြစ်လာ လိမ့်မယ်” ဟု ၎င်းက ဆိုသည်။ “ခရီးသွားလုပ်ငန်း ပြန်လည်နိုးထလာမှုအရ ၂၀၂၂ ခုနှစ်ဟာ စောလွန်းတယ်လို့ ကျွန်တော်ထင်ပါတယ်၊ ပြသနာတွေ အများကြီး ရှိပါသေးတယ်။”
ထိုင်းနိုင်ငံ၏ ငွေပေးချေမှု ချိန်ခွင်လျှာသည် ထွန်းသစ်စ အရှေ့တောင်အာရှနိုင်ငံများကြားတွင် “အကြီးမားဆုံး သော အားနည်းချက်” ကိုလည်း ရင်ဆိုင်နေရကြောင်း ၎င်းက ဆက်လက်ပြောသည်။
“သူတို့ဟာ ခရီးသွားလာရေး ၀င်ငွေတွေ ဆုံးရှုံးမှုကြောင့် မနှစ်တုန်းက စာရင်းရှင်လိုငွေ ကြီးကြီးမားမားရခဲ့ပြီး သူတို့ရဲ့ ငွေလဲနှုန်းက အထူးထိခိုက်လွယ်တဲ့ ပုံစံပေါ်နေပါတယ်” ဟု နတ်ဖာတီ Nafte မှ ပြောကြားခဲ့သည်။
ဘာသာပြန် – အာသစ်
Ref: CNBC