တိုကျို – ဒီဇင်ဘာ(၁၃)
ဝန်ကြီးချုပ်ဟောင်းရှင်ဇိုအာဘေးသတ်ဖြတ်ခံရတာနဲ့ ယူကရိန်းကို ရုရှားကျူးကျော်မှု တွေ ဖြစ်ခဲ့တဲ့ ၂၀၂၂ ခုနှစ်အတွက် စစ်ပွဲ ဆိုတဲ့ ဝေါဟာရကို ကန်ဂျီသရုပ်ဖော်ဝေါဟာရ အဖြစ် ဂျပန်နိုင်ငံက ရွေးချယ်ခဲ့ပါတယ်။
ဝေါဟာရ သရုပ်ဖော်ရေးသားဖို့အတွက် နှစ်စဉ်ကျင်းပတဲ့ အခမ်းအနားမှာ ၂၀၂၂ ခုနှစ်အတွက် အကောင်းဆုံးကိုယ်စားပြုတဲ့ ဖော်ပြချက်ကို မဲပေးခဲ့တာဖြစ်ပြီး ၂၀၂၁ ခုနှစ်ကတော့ အိုလံပစ် ဆိုတဲ့ ဝေါဟာရကို မဲပေးခဲ့ကြတာပါ။
ဆန္ဒမဲကောက်ခံပွဲကို ဦးစီးကျင်းပတဲ့ Japan Kanji Aptitude Testing ဖောင်ဒေးရှင်းက ဒီနှစ် ရဲ့ ခံစားချက်ဟာ မှောင်မိုက်လွန်းတဲ့အတွက်ကြောင့်ဖြစ်တယ်လို့ ပြောခဲ့ပါတယ်။
“ယူကရိန်းသို့ ရုရှား ကျူးကျော်မှု၊ ဝန်ကြီးချုပ်ဟောင်း အာဘေးကို ပစ်ခတ်မှု၊ ယန်းငွေတန်ဖိုး ကျဆင်းမှုနှင့် နေ့စဉ်ဘဝတွင် ကြုံတွေ့နေရသော ငွေကြေးဖောင်းပွမှု စသည့်အရာများ လူများစွာအတွက် စိုးရိမ်ပူပန်မှု ဖြစ်စေခဲ့သည်” လို့ Japan Kanji Aptitude Testing အဖွဲ့က ထုတ်ပြန်ထားပါတယ်။
ကန်ဂျီ သရုပ်ဖော်ဝေါဟာရ ရွေးချယ်ပွဲကို တိုကျိုက ရှေးဟောင်း ကီယိုမီဇူ ကျောင်းတော်မှာ ဆရာတော် ဆီဟန် မိုရီ ကဦးဆောင်ကျင်းပခဲ့တာဖြစ်ပါတယ်။
စစ်ပွဲအဓိပ္ပါယ်* ကန်ဂျီ ဝေါဟာရဟာ ကမ္ဘာ့ဖလား ပြိုင်ပွဲအတွင်း အချင်းများမှုဖြစ်ပေါ်ခဲ့တဲ့ အားကစားဆိုင်ရာရန်ပွဲတွေနဲ့ ဘေ့စ်ဘောပြိုင်ပွဲတွေကို ကိုယ်စားပြုခဲ့ဖို့လည်း ရွေးချယ်ခဲ့ပြီး ဝေါဟာရနောက်မှာ ငွေကြေးဖောင်းပွမှုကြောင့် စိစျေးပေါခြင်း နဲ့ ဘေးကင်းခြင်း ဆိုတဲ့ ကန်ဂျီ ဝေါဟာရတွေလိုက်ပါနေပါတယ်။
ကိုဗစ်ကြောင့် ရွှေ့ဆိုင်းခဲ့ရပြီး ပြန်လည်ကျင်းပခဲ့ရတဲ့ တိုကျိုအိုလံပစ်ကို ဂုဏ်ပြုတဲ့အနေနဲ့ ပြီးခဲ့တဲ့နှစ်က “ရွှေ” ကို ကန်ဂျီ ဝေါဟာရအဖြစ် ရွေးချယ်ခဲ့တာဖြစ်ပါတယ်။
ပြီးခဲ့တဲ့ ၂၀၂၀ ခုနှစ်ရဲ့ ကန်ဂျီ ဝေါဟာရမှာ “mitsu” ဖြစ်ပြီး အဲဒီအဓိပ္ပါယ်ဟာ “သိပ်သည်းသော” “လူစုလူဝေး” နဲ့ “နီးကပ်သည်” လို့အဓိပ္ပါယ်ရပြီး ဂျပန်နိုင်ငံက လူတွေကို ကိုဗစ်ကူးစက်မှု ကာကွယ်ဖို့ အတွက် ဒီဝေါဟာရ အခြေအနေသုံးမျိုးကို ရှောင်ရှားဖို့ တိုက်တွန်းထားပါတယ်။
Ref:CNA
