မနီလာ၊ မေ ၁၀
တောင်တရုတ်ပင်လယ်မှာ တင်းမာမှု လျှော့ချရေး ဖိလစ်ပိုင်ရေတပ် ဒုဗိုလ်ချုပ် တစ်ယောက်က တရုတ်နဲ့ သဘောတူထားကြောင်း ပြည်တွင်း သတင်းစာတစ်ခုက ဖော်ပြခဲ့ပြီးနောက် ဘေဂျင်းအစိုးရဟာ ဆိုးဆိုးရွားရွား သြဇာလွှမ်းမိုးဖို့ ကြိုးပမ်းနေတယ်လို့ ဖိလစ်ပိုင် စစ်ဖက်ဆိုင်ရာ အကြီးအကဲက ပြောကြားပါတယ်။
အငြင်းပွားနေတဲ့ ရေအောက်သောင်ပြင်က စစ်သားတွေဆီ ထောက်ပံ့ရေး သင်္ဘောတွေလာရောက်မယ်ဆိုရင် သင်္ဘောအစီးရေ လျှော့သုံးရေးနဲ့ တရုတ်ကို ကြိုတင်အကြောင်းကြားရေး တရုတ်ရဲ့ အဆိုပြုချက်ကို ဖိလစ်ပိုင် ရေတပ်ဗိုလ်ချုပ် တစ်ယောက်က သဘောတူထားကြောင်း The Manila Times က ဖော်ပြခဲ့ပါတယ်။
တရုတ်နဲ့ ဖိလစ်ပိုင် ရေတပ်ဗိုလ်ချုပ်တို့ကြား စကားပြောဆိုမှုကို အဲဒီ သတင်းဌာနက စာသားနဲ့ ရေးသား ဖော်ပြခဲ့တာဖြစ်ပြီး အတည်မပြုနိုင်သေးဘူးလို့လည်း ရိုက်တာသတင်းမှာ ဖော်ပြပါတယ်။
ပြီးခဲ့တဲ့ ဇန်နဝါရီလက နှစ်ဖက်ကြား အဲဒီလိုပြောဆိုခဲ့ကြတာ ဖြစ်ပြီး The Manila Times သတင်းဌာနက သူတို့ ဖော်ပြတဲ့ စာသားတွေကို တရုတ် အရာရှိတစ်ယောက်က ပေးအပ်ခဲ့တာ ဖြစ်တယ်လို့ ဖော်ပြထားပါတယ်။
ဒီသတင်း ထွက်ပေါ်လာပြီးနောက် တရုတ်က ဆိုးဆိုးရွားရွား သြဇာလွှမ်းမိုးဖို့ ကြိုးစားနေတာ ဖြစ်တယ်လို့ ဖိလစ်ပိုင် စစ်ဖက်ဆိုင်ရာ အကြီးအကဲ ရိုမီယို ဘရောနာက ကြေညာချက် တစ်ရပ်မှာ ပြောဆိုထားပါတယ်။
စာသားတွေကို ပြင်ဆင်ရေးသားလို့ရပြီး အသံဖိုင်တွေကိုလည်း နည်းပညာနဲ့ ဖန်တီးလို့ရတာကြောင့် တရုတ်ကမ်းခြေစောင့်တပ်က သူတို့ရဲ့ ရန်လိုမှုကနေ အာရုံလွှဲဖို့ ကြိုးပမ်းတာ ဖြစ်နိုင်တယ်လို့ သူက ဖြည့်စွက် ပြောကြားပါတယ်။
အဲဒီရေအောက်သောင်ရှိတဲ့ နေရာမှာ ဖိလစ်ပိုင်က သင်္ဘောပျက်တစ်စီး ချထားပြီး သင်္ဘောပေါ်မှာ စစ်သားတွေ စောင့်ကြပ်နေပါတယ်။
စစ်သားတွေအတွက် ထောက်ပံ့ရေး ပစ္စည်းတွေ ပို့ဆောင်ဖို့ ဖိလစ်ပိုင် သင်္ဘောတွေ ခုတ်မောင်းလာရင် တရုတ်ကမ်းခြေစောင့်တပ်က မီးသတ်ပိုက်တွေသုံးပြီး တားဆီးမှုတွေ ပြုလုပ်နေပါတယ်။
တောင်တရုတ်ပင်လယ် တစ်ခုလုံးနီးပါးကို တရုတ်က သူတို့ပိုင်တယ်လို့ ပြောဆိုထားပြီး နိုင်ငံတကာအငြင်းပွားမှုဖြေရှင်းရေး တရားရုံးက ဒီပြောဆိုမှုဟာ ဥပဒေနဲ့ မညီဘူးလို့ ဆုံးဖြတ်ထားပေမယ့် ဘေဂျင်းအစိုးရရက ပယ်ချထားပါတယ်။
Ref:Reuters
မော်လမြိုင်၊ မေ၂၁ AAPP ရဲ့ မေ ၂၀ ရက်နေ့အထိ ထုတ်ပြန်ချက်အရ မြန်မာနိုင်ငံတဝှမ်းလုံးမှာ စစ်အာဏာသိမ်းမှုကာလ (၁၂၀၅) ရက်အတွင်း ပြည်သူ (၅၁၀၇ )…
မော်လမြိုင် ၊ မေ ၂၁ စစ်ကောင်စီ အသက်သွင်းလိုက်တဲ့ စစ်မှုထမ်းဥပဒေကြောင့် မွန်ပြည်နယ်မှာ လုပ်သားရှားပါးမှု ပြ ဿနာ ဆိုးဆိုးရွားရွား ဖြစ်ပေါ်လာတဲ့အတွက် အခုနှစ်မိုးစပါးစိုက်ပျိုးဖို့ အခက်ကြုံနေရတယ်လို့…
ရေး ၊ မေ ၂၁ စစ်အာဏာရှင်တိုက်ဖျက်ရေးအတွက် စစ်ကောင်စီကို စစ်ကြေညာခဲ့တဲ့ မွန်ပြည်သစ်ပါတီ AD အ နေနဲ့ သုံးလတာပြည့်မြောက်ချိန်မှာ ပြည်တွင်းပြည်ပရှိ မွန်အဖွဲ့အစည်းအသီးသီးနဲ့ အွန်လိုင်းကနေ…
ဖာပွန်၊ မေ ၂၁ ကရင်ပြည်နယ် ဖာပွန်မြို့အနီး ကျန်ရှိတဲ့ စစ်ကောင်စီရဲ့ ဖာပွန်စစ်ဗျူဟာနဲ့ တပ်ရင်းတွေကို တော် လှန်ရေး မဟာမိတ်ပူးပေါင်းအဖွဲ့တို့က ပိတ်ဆို့တိုက်ခိုက်နေတဲ့အတွက် နှစ်ဖက်တိုက်ပွဲ ပြင်းထန်နေတယ်လို့…
သထုံ ၊ မေ ၂၁ မွန်ပြည်နယ် သထုံခရိုင်ထဲကို အခုလအတွင်း စစ်ကောင်စီတပ်တွေရဲ့ လက်နက်ကြီးပစ်ခတ်မှုကြောင့် အရပ်သားပြည်သူ ၄ ဦး သေဆုံးပြီး ၂၂ ဦး…
တနင်္သာရီ၊ မေ ၂၀ တနင်္သာရီတိုင်း တနင်္သာရီမြို့နယ် ညောင်ပင်ကွင်းအခြေစိုက် ခမရ ၅၆၁ တပ်ရင်းမှ ထွက်လာတဲ့ စစ်ကောင်စီ စစ်ကြောင်းဟာ ကြားဖြတ်တိုက်ခိုက်ခံရပြီး စစ်ကောင်စီတပ်သား တစ်ဦး…
This website uses cookies.