ရေဖြူ၊ မေ ၉
တနင်္သာရီတိုင်း ရေဖြူမြို့နယ် ကံပေါက်ကျေးရွာအုပ်စုမှာ စစ်ကောင်စီတပ် ဖမ်းဆီးသွားတဲ့ CDM ကျောင်းဆရာမနှစ်ဦးကို အကြမ်းဖက်အဖွဲ့အစည်းနဲ့ ဆက်စပ်နေတယ်ဆိုတဲ့ စွပ်စွဲချက်နဲ့ ထောင် ဒဏ် ၄ နှစ်စီ အမိန့်ချမှတ်လိုက်တယ်လို့ ဒေသခံတွေထံက သိရပါတယ်။
အကြမ်းမဖက် အာဏာဖီဆန်ရေး CDM ပြုလုပ်ထားတဲ့ ကျောင်းဆရာမတွေဖြစ်တဲ့ ဒေါ်သက်သက်မော်နဲ့ ဒေါ်ယဉ်ယဉ်အေးတို့ကို စစ်ကောင်စီတပ်က ပြီးခဲ့တဲ့ ဖေဖော်ဝါရီ ၁၉ ရက်နေ့ကတည်းက နေ အိမ်တွေမှာ ဝင်ရောက်ဖမ်းဆီးသွားခဲ့တာပါ။
CDM ကျောင်းဆရာမနှစ်ဦးကို စစ်ကောင်စီရဲ့ မောရဝတီရေတပ်ဌာနချုပ်မှာ တစ်လကျော်ကြာ စစ်ဆေးပြီးနောက် အကြမ်းဖက်မှုတိုက်ဖျက်ရေး ဥပဒေပုဒ်မ ၅၂(က)နဲ့ အမှုဖွင့်တရားစွဲဆိုခဲ့ပါတယ်။
အဲဒီနောက် CDM ကျောင်းဆရာမ နှစ်ဦးကို မေ ၇ ရက်နေ့မှာ ရေဖြူမြို့နယ် တရားရုံးကနေ အ ကြမ်းဖက်အဖွဲ့ အစည်းနဲ့ ဆက်စပ်နေတယ်ဆိုတဲ့ စွပ်စွဲချက်နဲ့ ထောင်ဒဏ် ၄ နှစ်စီ အမိန့်ချမှတ်လိုက်တာပါ။
စစ်ကောင်စီဘက်ကတော့ CDM ကျောင်းဆရာမ နှစ်ဦးဟာ PDF ထံ ငွေကြေးထောက်ပံ့တာ၊ NUG ပညာရေးကျောင်းတွေမှာ စာသင်ပေးတယ်ဆိုတဲ့ စွပ်စွဲချက်တွေနဲ့ ထောင်ဒဏ်ချမှတ်ခဲ့တာ ဖြစ်ပါတယ်။
ထောင်ဒဏ်အမိန့်ချမှတ်ခံရတဲ့ CDM ကျောင်းဆရာမ နှစ်ဦးကို ထားဝယ်အကျဉ်းထောင်သို့ ပြောင်း ရွှေ့လိုက်ပြီလို့ ဒေသခံတွေရဲ့ ပြောပြချက်အရ သိရပါတယ်။
ပြီးခဲ့တဲ့ ဧပြီ ၂၄ ရက်နေ့ကလည်း ရေဖြူမြို့နယ် ကံပေါက်ဒေသရှိ မောရဝတီရေတပ်ဌာနချုပ်မှာ ဖမ်းဆီးခံထားရတဲ့ ဖောင်းတောကျေးရွာက ဒေသခံအမျိုးသား ၁ ဦး စစ်ကြောရေးမှာ သေဆုံးခဲ့ပါတယ်။
သတင်း – သံလွင်တိုင်းမ်
ဓာတ်ပုံ- Freedom Kanbauk
ကျိုက်ထို၊ မေလ ၂၀ မွန်ပြည်နယ်၊ ကျိုက်ထိုမြို့နယ်၊ အင်္ဂဘိုကျေးရွာ၊ မုပ္ပလင်နဲ့သိမ်ဇရပ်မြို့အနီးတွေမှာ တိုက်ပွဲတွေပြန်ဖြစ်နေတယ်လို့ တော်လှန်ရေးအဖွဲ့ဝင်တွေက မေ ၂၀ ရက်နေ့မှာ ပြောပါတယ်။ ပြီးခဲ့တဲ့ မေ…
တိုင်ပေ၊ မေ ၂၀ မေ ၂၀ ရက်နေ့က ပြုလုပ်ခဲ့တဲ့ ကျမ်းသစ္စာကျိန်ဆိုပွဲမှာ သမ္မတသစ် ဝီလီယံလိုင်က ထိုင်ဝမ်ကို ခြိမ်းခြောက်နေတာတွေ ရပ်တန့်ဖို့ တရုတ်ကို တိုက်တွန်းပြောကြားလိုက်ပါတယ်။…
တီဟီရန်၊ မေ ၂၀ အီရန်သမ္မတ အီဗရာဟင် ရိုင်စီနဲ့ နိုင်ငံခြားရေးဝန်ကြီးတို့ဟာ အဇာဘိုင်ဂျန်နယ်စပ်အနီး တောင်ထူထပ်တဲ့ဒေသမှာ ရဟတ်ယာဉ်ပျက်ကျပြီး သေဆုံးသွားပြီ ဖြစ်ကြောင်း အီရန်နိုင်ငံပိုင်မီဒီယာက မေ ၂၀…
ရေး၊ မေ ၁၉ နွေဦးတော်လှန်ရေးကနေ ပေါက်ဖွားလာတဲ့ မွန်လူမျိုးအခြေပြု လက်နက်ကိုင်တော်လှန်ရေးတပ်တွေဖြစ်တဲ့ MSRF နဲ့ MSDF တို့ဟာ စစ်ရေးဆိုင်ရာပူးပေါင်းဆောင်ရွက်မှု လုပ်ငန်းစဉ်တွေ စတင်လုပ်ဆောင်နေပြီလို့ နှစ်ဘက်အဖွဲ့တာဝန်ရှိသူတွေက…
မော်လမြိုင်၊ မေ ၁၉ စစ်ကောင်စီ အသက်သွင်းလိုက်တဲ့ ပြည်သူ့စစ်မှုထမ်းဥပဒေအရ မွန်ပြည်နယ်မှာ ရွှေ့ပြောင်းလုပ်သားတွေကို စစ်မှုထမ်းကင်းလွတ်ခွင့်ရရေးအတွက် ငွေကြေးနဲ့ငှားရမ်းပြီး စစ်မှုထမ်းဆောင်ခိုင်းတာတွေ ရှိနေတယ်လို့ သံလွင်တိုင်းမ်က စုံစမ်းသိရှိရပါတယ်။ စစ်ကောင်စီရဲ့…
မော်လမြိုင်၊ မေ ၁၉ လူငယ်တွေအနေနဲ့ အချင်းချင်း ညီညီညွတ်ညွတ် ကြိုးစားပြီး ဦးစီးဦးဆောင်မှုတွေမှာ အတူတကွ လုပ်ဆောင်ကြဖို့လိုသလို ကိုယ့်ရဲ့အမြင်တွေကိုလည်း ဆွေးနွေးဖော်ထုတ်ပြသဖို့နဲ့ လေ့လာသင်ယူကြဖို့ KNU ကရင်အမျိုးသားအစည်းအရုံး…
This website uses cookies.