ကျိုက်မရော ၊ ဧပြီ ၂၈
မွန်ပြည်နယ်နဲ့ကရင်ပြည်နယ်အစပ် ဂျိုင်းမြစ်တောင်ဘက် ရမ္မာဝတီကားလမ်းပေါ်ရှိ ကော့ဘိန်း၊ ဓမ္မသနဲ့ အနီးပတ်ဝန်းကျင် ကျေးရွာတွေက နေရပ်စွန့်ခွာ စစ်ရှောင်ပြည်သူတွေအနေနဲ့ မိမိတို့ ကျေး ရွာတွေမှာ ပြန်လည်ဝင်ရောက်နေထိုင်ကြဖို့ စစ်ကောင်စီက လိုက်လံစည်းရုံးနေပါတယ်။
နေရပ်စွန့်ခွာခဲ့ကြတဲ့ ဒေသခံတွေကို မိမိတို့ နေရပ်တွေမှာ ပြန်လည်ဝင်ရောက်နေထိုင်ကြဖို့ မော်လမြိုင်မြို့နဲ့ ချောင်းဆုံမြို့က ဘုန်းကြီးကျောင်းတွေမှာ တိမ်းရှောင်နေကြတဲ့ စစ်ရှောင်ပြည်သူတွေကို စစ်ကောင်စီ အုပ်ချုပ်ရေးအဖွဲ့တွေက သွားရောက်စည်းရုံးနေတာပါ။
အခုချိန်မှာ ဓမ္မသကျေးရွာဟာ တည်ငြိမ်အေးချမ်းနေပြီဖြစ်တဲ့အတွက် ကျေးရွာသူ ကျေးရွာသားတွေအနေနဲ့ မိမိနေရပ်သို့ သွားရောက်ပြီး ပြန်လည်အခြေချနေထိုင်နိုင်ပြီလို့ စစ်တပ်ဝါဒဖြန့် သ တင်းစာနဲ့ တယ်လီဂရမ်တွေမှာ ဖော်ပြပါတယ်။
နေရပ်စွန့်ခွာ ဒေသခံတစ်ဦးကတော့ နေရပ်ပြန်ဖို့ အိမ်မီးလောင်သွားတဲ့သူတွေ နေစရာမရှိဖြစ်နေသလို ရွာထဲဝင်ဖို့ လမ်းကြောင်းပိတ်ထားတဲ့အတွက် စစ်ကောင်စီရဲ့ အုပ်ချုပ်ရေးအဖွဲ့တွေ ပြောဆိုမှုဟာ မြေပြင်နဲ့ တခြားစီဖြစ်နေတယ်လို့ သံလွင်တိုင်းမ်ကို ပြောပါတယ်။
“မနေ့က သူတို့ (စကစအုပ်ချုပ်ရေးအဖွဲ့) ပြောတာပဲ ဓမ္မသရွာပြန်ကြဖို့။ ပြန်လို့ရှိရင် မီးလောင်တဲ့တိုင်ကို သွားဖက်ရမှာလား။ ဟိုဘက်လမ်းလည်း ပိတ်ထားတယ် ပြန်လို့မရဘူး။ တရနာတောင် ဝင်လို့ရတဲ့လူရတယ်။ ဝင်လို့မရတဲ့လူ မပေးဝင်ဘူး။ ကျွန်းကုန်းဘက်လမ်း သူပိတ်ထားတယ် မပေးသွားဘူး။ သူတို့က လျှောက်လျှောက်ပြောတာ ဘာမှမသိတာ။ အသိလည်း မရှိဘူး။ ပြောတဲ့စကားနဲ့ မြေပြင်နဲ့ သူပြောတဲ့ဟာ တခြားစီဖြစ်နေတယ်”လို့ ဆိုပါတယ်။
ရမ္မာဝတီကားလမ်းရှိ ဓမ္မသကျေးရွာထဲဝင်ဖို့ ကျွန်းကုန်းလမ်းဝကို ပိတ်ဆို့ထားသလို တရနာရဲစခန်းအနီးတဝိုက်ရှိ ကျေးရွာလမ်းပိုင်းတွေကိုလည်း စစ်ကောင်စီတပ်ဖွဲ့ဝင်တွေက ကန့်သတ်ထားတဲ့အ တွက် ဝင်ထွက်သွားလာလို့ မရဘူးလို့ သူကပြောပြပါတယ်။
ပြီးခဲ့တဲ့ မတ် ၂၇ ရက်နေ့မှာ တိုက်ပွဲဖြစ်ပွားခြင်းမရှိတဲ့ ကျိုက်မရောမြို့နယ်ရှိ ဓမ္မသကျေးရွာကို စစ်ကောင်စီတပ်ရဲ့ ကြည်း၊ရေ၊လေ တိုက်ခိုက်မှုကြောင့် အရပ်သားနေအိမ် ၃၀၀ ကျော် မီးလောင်ပြာကျခဲ့ရပြီး ဒေသခံသောင်းနဲ့ချီ နေရပ်စွန့်ခွာ တိမ်းရှောင်ခဲ့ကြရတာပါ။
စစ်ကောင်စီကတော့ မွန်နဲ့ ကရင် အစိုးရအဖွဲ့တို့ကနေ ကော့ဘိန်းရွာ၊ဓမ္မသရွာနဲ့ အနီးအနားကျေးရွာတွေမှာ နေရပ်စွန့်ခွာပြည်သူတွေ ပြန်လည်ဝင်ရောက်နေထိုင်နိုင်ရေး ပြန်လည်ထူထောင်ရေးလုပ် ငန်းတွေကို ပြည်သူတွေနဲ့အတူ အမြန်ဆုံးဆက်လက်ဆောင်ရွက်ပေးနိုင်ရေး စီမံနေတယ်လို့ ဆိုပါတယ်။
“နေ့အချိန်ဆိုရင် သွားကြည့်မယ် သူတို့(စစ်ရှောင်ပြည်သူ) ပစ္စည်းရှိရင် သူတို့ သွားယူမယ်။ ညနေကျရင် ခရားရွာ သူတို့လာအိပ်တဲ့ သဘောမျိုးပေါ့ဗျာ။ သူတို့ဟိုမှာ (ကော့ဘိန်း၊ကော့ပေါက်) မနေရဲတဲ့သဘောမျိုးပေါ့။ ညညဆိုရင် သူတို့ကြောက်နေတယ်”လို့ စစ်ရှောင်အရေး အကူအညီပေးနေသူတစ်ဦးက သံလွင်တိုင်မ်းကို ပြောပါတယ်။
မတ် ၂၅ ရက်နေ့က အင်အား ၃၀၀ ဝန်းကျင်ရှိတဲ့ စစ်ကောင်စီစစ်ကြောင်းဟာ ကော့ဘိန်း၊ ကော့ပေါက်ကျေးရွာထဲ ဝင်ရောက်ပြီး နယ်မြေရှင်းလင်းရေးလုပ်ဆောင်ခဲ့တဲ့အတွက် ကျေးရွာအတွင်း ကျန်ရှိနေတဲ့ ဒေသခံထောင်နဲ့ချီ ရွာလုံးကျွတ် ထွက်ပြေးတိမ်းရှောင်ခဲ့တာပါ။
ဒါ့အပြင် စစ်ကောင်စီတပ်ရဲ့ နယ်မြေရှင်းလင်းရေး လုပ်ဆောင်ရာမှာ အရပ်သားပြည်သူ အမျိုးသ မီးတစ်ဦးကို သေနတ်နဲ့ ပစ်သတ်ခဲ့သလို အမျိုးသားတချို့ကိုလည်း ဖမ်းဆီးစစ်ဆေး ရိုက်နှက်ခဲ့တယ်လို့ ဒေသခံတွေဆီက သိရပါတယ်။
မတ် ၂၇ ရက်နေ့ထုတ် စစ်တပ်ဝါဒဖြန့် သတင်းစာတွေမှာတော့ မဟာမိတ်ပူးပေါင်းတပ်တွေနဲ့ ထိတွေ့တိုက်ပွဲ ၇ ကြိမ်ဖြစ်ပွားခဲ့ပြီး ဧပြီ ၂၂ ရက်နေ့မှာ ဓမ္မသရွာနဲ့ ၂၅ ရက်နေ့မှာတော့ ကော့ဘိန်းရွာကို စစ်ကောင်စီတပ်က ပြန်လည်ထိန်းချုပ်ထားနိုင်ခဲ့တယ်လို့ ဖော်ပြပါတယ်။
တစ်ဘက်မှာ ကော့ဘိန်း၊ဓမ္မသနဲ့ အနီးပတ်ဝန်းကျင်ရှိ ကျေးရွာတွေမှာ တည်ငြိမ်အေးချမ်းပြီဖြစ်တဲ့အတွက် အေးချမ်းစွာနေထိုင်တဲ့ ဒေသခံပြည်သူတွေအနေနဲ့ မိမိကျေးရွာတွေမှာ စတင်ပြန်လည်ဝင် ရောက်နေထိုင်လာကြပြီလို့ စစ်ကောင်စီက ဝါဒဖြန့်ထားတာပါ။
“ရွာထဲမှာ ဘယ်သူမှမရှိဘူး၊ ပြန်လာနေစရာမရှိဘူး။မအေးချမ်းသေးဘူး။ သူတို့က သေနတ်ရှိတယ် ။ ပြန်လာရင် သူတို့တစ်ခုခုလုပ်မှာ စိုးတယ်။ ရွာပြန်ရင်လည်း နေဖို့မရှိတော့ဘူးလေ။ ဘုန်းကြီး ကျောင်းဆို မီးမလောင်ရင်နေလို့ ရသေးတယ်။ အခုဘုန်းကြီးကျောင်းပါ ခံရတယ်ဆိုတော့ ပြေးရုံပေါ့။ ဒုက္ခအကြီးအကျယ်ရောက်နေကြတာ။ သူတို့ (စကစ) သင်္ဘော ဓမ္မသရွာ (ဂျိုင်းမြစ်ထဲ) ရောက်နေပြီလေ။ အဲဒီသင်္ဘောက ကော့မိဘက် ပစ်နေကြတယ်”လို့ နေရပ်စွန့်ခွာ ဓမ္မသရွာသားတစ်ဦးက သံလွင်တိုင်းမ်ကို ပြောပါတယ်။
ပြီးခဲ့တဲ့ မတ် ၂၄ ရက်နေ့က ကရင်ပြည်နယ် ကော့ကရိတ်မြို့ နယ်ရှိ ကော့ဘိန်းနယ်မြေရဲစခန်းကို မွန်၊ကရင်နဲ့ PDF မဟာမိတ်ပူးပေါင်းတပ်တွေက ဝင်ရောက်တိုက်ခိုက်ပြီး မတ် ၂၅ ရက်နေ့မှာ ရဲ စခန်းကို အပြီးသတ်သိမ်းပိုက်နိုင်ခဲ့တာပါ။
စစ်ကောင်စီဘက်ကတော့ ကော့ဘိန်းရဲစခန်းလက်လွှတ်ပြီးချိန်ကတည်းက ခရုံဂူလမ်းဝကနေ ကော့သပ်၊ ကော့စွယ်၊တရနာနဲ့ သံကလောင်ကျေးရွာအထိ တဆင့်ချင်း ခြေကုတ်ယူပြီး စစ်အင် အား ၂၀၀ ဝန်းကျင်နဲ့ စစ်ကြောင်းထိုးခဲ့ပါတယ်။
ဒါ့အပြင် နိုင်ငံအနှံ့တိုက်ပွဲအတွင်း စစ်ကောင်စီတပ် အမြဲတစေအားကိုးနေရတဲ့ လေကြောင်းပစ်ကူတိုက်ခိုက်မှုတွေကို အသုံးပြုခဲ့သလို ဂျိုင်းမြစ်ကြောင်းမှာလည်း စစ်သင်္ဘောနှစ်စင်းကနေ လက် နက်ကြီးပစ်ကူပေးနေတာပါ။
ဒီအခြေအနေကြောင့် စစ်ကောင်စီတပ်နဲ့ မဟာမိတ်ပူးပေါင်းတပ်တို့ကြား နှစ်ဘက်စစ်ရေးတင်းမာမှုတွေ ဆက်တိုက်ဖြစ်ပေါ်ခဲ့ပြီး ဂျိုင်းမြစ်ဒေသတစ်လျှောက်ရှိ ကောာ့ဘိန်း၊ ကော့ပေါက်၊ သံက လောင်၊ ဓမ္မသ၊ တရနာစတဲ့ ကျေးရွာနေ ပြည်သူတစ်သိန်းဝန်းကျင်အထိ နေရပ်စွန့်ခွာခဲ့ကြပါတယ်။
စစ်ကောင်စီကတော့ ဒေသခံတွေကို နယ်မြေတည်ငြိမ်အေးချမ်းမှုရှိမှသာ ပြည်သူတွေရဲ့ လူမှုစီး ပွားဘဝ ဖွံ့ဖြိုးတိုးတက်လာမှာဖြစ်တာကြောင့် မိမိရပ်ရွာ မိမိဒေသကို မိမိတို့ ကိုယ်တိုင်ပါဝင်တဲ့ ပြည်သူ့လုံခြုံရေးစနစ်မှာ ပူးပေါင်းဆောင်ရွက်ရမယ်လို့ အသိပေးစည်းရုံးထားပါတယ်။
သတင်း – သံလွင်တိုင်းမ်
ဓာတ်ပုံ-CJ
စလင်း၊ မေ ၉ မကွေးတိုင်း စလင်းမြို့နယ် ခင်ပလူကျေးရွာထဲ စစ်ကြောင်းထိုးလာတဲ့ စစ်ကောင်စီတပ် ပြန်ဆုတ်သွားစဉ် မီးရှို့အသတ်ခံထားရတဲ့ အလောင်းနှစ်လောင်း တွေ့ရှိခဲ့တယ်လို့ ဒေသခံတွေရဲ့ ပြောပြချက်အရ သိရပါတယ်။…
မော်လမြိုင်၊ မေ ၁၀ AAPP ရဲ့ မေ ၉ ရက်နေ့အထိ ထုတ်ပြန်ချက်အရ မြန်မာနိုင်ငံတဝှမ်းလုံးမှာ စစ်အာဏာသိမ်းမှုကာ လ (၁၁၉၄) ရက်အတွင်း ပြည်သူ…
မော်လမြိုင် ၊ မေ ၁၀ မွန်ပြည်နယ်မှာ အပူချိန်ပြင်းထန်မှုနဲ့အတူ ရော်ဘာအထွက်နှုန်း သိသိသာသာ လျော့ကျလာတာကြောင့် ရော်ဘာခြံအများစု ရာသီမကုန်ခင်မှာပဲ ခြံပိတ်သိမ်းတာတွေ ရှိလာတယ်လို့ ရော်ဘာလုပ် ငန်းရှင်တွေက…
ဘန်ကောက်၊ မေ ၁၀ ထိုင်းဝန်ကြီးချုပ် ဆရီထာ သာဗီဆင်က အခုနှစ်ကုန်ရင် ဆေးခြောက်ကို မူးယစ်ဆေးအဖြစ် ပြန် လည်သတ်မှတ်သွားမယ်လို့ မေ ၈ ရက်နေ့မှာ ပြောကြားလိုက်ပါတယ်။…
မော်လမြိုင် ၊ မေ ၁၀ အပစ်ရပ်ထိုး တိုင်းရင်းသားလက်နက်ကိုင်အဖွဲ့အစည်း ၇ ဖွဲ့ရဲ့ မဟာမိတ်အဖွဲ့၊ ဦးဆောင်အဖွဲ့ အ စည်းအဝေးကနေ လုပ်ငန်းကော်မတီတွေ ဖွဲ့စည်းလိုက်တယ်လို့ ပြောရေးဆိုခွင့်ရှိသူ…
နေပြည်တော်၊ မေ ၁၀ ၂၀၂၁ အာဏာသိမ်းပြီးကတည်းက ဖမ်းဆီးခံထားရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးခွင့်ရရှိရေး ကမ္ဘောဒီးယား ဝန်ကြီးချုပ်ဟောင်း ဟွန်ဆန်ရဲ့ တောင်းဆိုမှုကို စစ်ကောင်စီက မေ…
This website uses cookies.