ဘူးသီးတောင်၊ ဧပြီ ၂၇
တိုက်ပွဲတွေ ဆက်လက်ဖြစ်ပွားနေတဲ့ ရခိုင်ပြည်နယ် ဘူးသီးတောင်နဲ့ မောင်တောမြို့တို့ကို ညမထွက်ရအမိန့် ထုတ်ပြန်လိုက်ကြောင်း ရက္ခိုင့်တပ်တော် AA က ဧပြီ ၂၆ ရက်နေ့ ညပိုင်းမှာ ကြေညာပါတယ်။
အဲဒီမြို့နှစ်မြို့ကို ဧပြီ ၂၆ ရက်နေ့ကစပြီး ည ၇ နာရီမှ မနက် ၆ နာရီအတွင်း ညမထွက်ရ အမိန့်ထုတ်ပြန်ခဲ့တာဖြစ်ပြီး ထုတ်ပြန်ချက်အား ရုတ်သိမ်းကြောင်း မထုတ်မချင်း အဲဒီဒေသတွေမှာ နေ ထိုင်ကြတဲ့ ပြည်သူတွေအနေနဲ့ မပျက်မကွက် လိုက်နာကြဖို့ မေတ္တာရပ်ခံထားပါတယ်။
ဒါပေမယ့် မဖြစ်မနေ သွားလာရမယ့် ကိစ္စရပ်တွေ ရှိလာပါက သက်ဆိုင်ရာ ULA အုပ်ချုပ်ရေးတာဝန်ခံတွေထံ ကြိုတင်အကြောင်းကြားကာ ခွင့်ပြုချက်ယူပြီးမှ သွားလာကြဖို့ အသိပေး ထုတ်ပြန်ထားပါတယ်။
ညမထွက်ရအမိန့်ထုတ်ပြန်ရတာဟာ မူဆလင် အဖွဲ့အစည်းတွေမှ တစ်ဖွဲ့ခြင်းဖြစ်စေ၊ စစ်ကောင်စီနဲ့ပူးပေါင်းပြီး ဖြစ်စေ၊ စစ်ကောင်စီသင်တန်းဆင်း မူဆလင်တွေက ရက္ခိုင့်တပ်တော်ကို ခပ်စိပ်စိပ်တိုက်ခိုက်လာမှု၊ မူဆလင်မဟုတ်တဲ့ အခြားသော ပြည်သူပိုင်ပစ္စည်းဥစ္စာတွေကို ဖောက်ထွင်းခိုးယူတာနဲ့ လူနေအိမ်တွေကို မီးရှို့ဖျက်ဆီးတာစတဲ့ အကြမ်းဖက်လုပ်ရပ်တွေကို လုပ်ဆောင်လာတာကြောင့်လို့ AA က ဆိုပါတယ်။
စစ်ကောင်စီနဲ့ ရက္ခိုင့်တပ်တော်တို့ကြား ရခိုင်ဒေသအတွင်းရှိ ဘူးသီးတောင်၊ မောင်တော၊ အမ်းနဲ့ သံတွဲမြို့တွေမှာ တိုက်ပွဲတွေ နေ့စဉ်ရက်ဆက် ဖြစ်ပွားနေပြီး အထူးသဖြင့် ဘူးသီတောင်မြို့နယ် စကခ (၁၅) အား အပြီးသတ် သိမ်းယူနိုင်ရေးအတွက် တိုက်ပွဲတွေ ပိုမိုပြင်းထန်နေတယ်လို့ အသိ ပေးထားပါတယ်။
တစ်ဖက်မှာလည်း တိုက်ပွဲတွေပြင်းထန်မှုနဲ့အတူ စစ်ရှုံးနေတဲ့ စစ်ကောင်စီဟာ ရခိုင်ဒေသအတွင်း မတူညီတဲ့ လူအဖွဲ့အစည်းတွေကြားမှာ လူမျိုးရေး ပဋိပက္ခတွေ ဖြစ်ပွားစေရန် ကြိုးစားနေတယ်လို့ AA က ဆိုပါတယ်။
ဒါအပြင် မူဆလင်လူမျိုးတွေကိုလည်း စစ်သင်တန်းပေးပြီး တိုက်ပွဲတွေမှာ အသုံးချတာ၊ မူဆလင် အကြမ်းဖက်အဖွဲ့တွေကို လက်နက်တပ်ဆင်ပေးတာစတဲ့ နိုင်ငံရေးအောက်လုံးတွေကို သုံးပြီး လူ မျိုးရေး ပဋိပက္ခဖြစ်ပွားစေရန် ရည်ရွယ်ချက်ရှိရှိ ပြုလုပ်နေတယ်လို့ AA ရဲ့ ထုတ်ပြန်ချက်မှာ ဖော် ပြပါရှိပါတယ်။
သတင်း – သံလွင်တိုင်းမ်
ဓာတ်ပုံ – Social Media
ကျိုက်ထို၊ မေလ ၂၀ မွန်ပြည်နယ်၊ ကျိုက်ထိုမြို့နယ်၊ အင်္ဂဘိုကျေးရွာ၊ မုပ္ပလင်နဲ့သိမ်ဇရပ်မြို့အနီးတွေမှာ တိုက်ပွဲတွေပြန်ဖြစ်နေတယ်လို့ တော်လှန်ရေးအဖွဲ့ဝင်တွေက မေ ၂၀ ရက်နေ့မှာ ပြောပါတယ်။ ပြီးခဲ့တဲ့ မေ…
တိုင်ပေ၊ မေ ၂၀ မေ ၂၀ ရက်နေ့က ပြုလုပ်ခဲ့တဲ့ ကျမ်းသစ္စာကျိန်ဆိုပွဲမှာ သမ္မတသစ် ဝီလီယံလိုင်က ထိုင်ဝမ်ကို ခြိမ်းခြောက်နေတာတွေ ရပ်တန့်ဖို့ တရုတ်ကို တိုက်တွန်းပြောကြားလိုက်ပါတယ်။…
တီဟီရန်၊ မေ ၂၀ အီရန်သမ္မတ အီဗရာဟင် ရိုင်စီနဲ့ နိုင်ငံခြားရေးဝန်ကြီးတို့ဟာ အဇာဘိုင်ဂျန်နယ်စပ်အနီး တောင်ထူထပ်တဲ့ဒေသမှာ ရဟတ်ယာဉ်ပျက်ကျပြီး သေဆုံးသွားပြီ ဖြစ်ကြောင်း အီရန်နိုင်ငံပိုင်မီဒီယာက မေ ၂၀…
ရေး၊ မေ ၁၉ နွေဦးတော်လှန်ရေးကနေ ပေါက်ဖွားလာတဲ့ မွန်လူမျိုးအခြေပြု လက်နက်ကိုင်တော်လှန်ရေးတပ်တွေဖြစ်တဲ့ MSRF နဲ့ MSDF တို့ဟာ စစ်ရေးဆိုင်ရာပူးပေါင်းဆောင်ရွက်မှု လုပ်ငန်းစဉ်တွေ စတင်လုပ်ဆောင်နေပြီလို့ နှစ်ဘက်အဖွဲ့တာဝန်ရှိသူတွေက…
မော်လမြိုင်၊ မေ ၁၉ စစ်ကောင်စီ အသက်သွင်းလိုက်တဲ့ ပြည်သူ့စစ်မှုထမ်းဥပဒေအရ မွန်ပြည်နယ်မှာ ရွှေ့ပြောင်းလုပ်သားတွေကို စစ်မှုထမ်းကင်းလွတ်ခွင့်ရရေးအတွက် ငွေကြေးနဲ့ငှားရမ်းပြီး စစ်မှုထမ်းဆောင်ခိုင်းတာတွေ ရှိနေတယ်လို့ သံလွင်တိုင်းမ်က စုံစမ်းသိရှိရပါတယ်။ စစ်ကောင်စီရဲ့…
မော်လမြိုင်၊ မေ ၁၉ လူငယ်တွေအနေနဲ့ အချင်းချင်း ညီညီညွတ်ညွတ် ကြိုးစားပြီး ဦးစီးဦးဆောင်မှုတွေမှာ အတူတကွ လုပ်ဆောင်ကြဖို့လိုသလို ကိုယ့်ရဲ့အမြင်တွေကိုလည်း ဆွေးနွေးဖော်ထုတ်ပြသဖို့နဲ့ လေ့လာသင်ယူကြဖို့ KNU ကရင်အမျိုးသားအစည်းအရုံး…
This website uses cookies.