ဝါရှင်တန် ၊ မတ် ၃
အမေရိကန်ဆေးဝါး ကုမ္ပဏီကြီးနှစ်ခုက mifepristone ကိုယ်ဝန်ဖျက်ချဆေးကို ဆရာဝန်ရဲ့ ဆေးညွှန်းနဲ့ အခုလကစတင်ပြီး ရောင်းချပေးသွားမှာဖြစ်တယ်လို့ သိရပါတယ်။
မိမိတို့အနေနဲ့ ကိုယ်ဝန်ဖျက်ချမှုကို တရားဝင်ခွင့်ပြုထားတဲ့ လက်တစ်ဆုပ်စာ ပြည်နယ်တွေမှာ လာမယ့် သီတင်းပိတ်ကစတင်ပြီး ကိုယ်ဝန်ဖျက်ချဆေးတွေ ရောင်းချပေးသွားမှာဖြစ်တယ်လို့ CVSနဲ့Walgreens ကုမ္ပဏီတွေက အသိပေးထားပါတယ်။
အမေရိကန်အစားအစာနဲ့ ဆေးဝါးစီမံခန့်ခွဲရေးဌာနက ဆေးကုမ္ပဏီတွေကို အဲဒီဆေးရောင်းချခွင့် ပြုခဲ့ပြီးနောက် အဲဒီကုမ္ပဏီတွေက ဆေးရောင်းချဖို့ ဆုံးဖြတ်ခဲ့ကြတာပါ။
ဒီဆေးတွေဟာ ၂၀၀၀ ခုနှစ်တည်းက အမေရိကန်မှာ တရားဝင်ဖြစ်နေပေမယ့် အရင်ကတော့ ဆေးရုံ၊ဆေးခန်းတွေမှာပဲ အသုံးပြုလို့ရတာဖြစ်ပြီး လက်ရှိမှာတော့ လူကိုယ်တိုင်ဆရာဝန်နဲ့ လာမတွေ့ဘဲ စာတိုက်က ဒါမှမဟုတ် တခြားဆက်သွယ်မှုနဲ့ ဝယ်ယူခွင့်ပြု မပြုကိုတော့ နိုင်ငံတော်တရားရုံးက ဆုံးဖြတ်ချက်ချမှတ်သွားမှာဖြစ်ပါတယ်။
Walgreens ကုမ္ပဏီက နယူးယောက်၊ပန်ဆယ်ဗေးနီးယား၊မန်ဆာချူးဆက်၊ကယ်လီဖိုးနီးယားနဲ့ အီလီနွိုက်စ် ပြည်သူတွေကိုဖြန့်ချီသွားမှာဖြစ်ပြီး CVS ကုမ္ပဏီကတော့ မန်ဆာချူးဆက်နဲ့ ရိုဒီ ကျွန်းတို့မှာ စတင်ဖြန့်ဖြူးသွားမှာဖြစ်တယ်လို့ အသိပေးထားပါတယ်။
ဒါ့အပြင် ကန်ဆက်၊ဝိုင်ယိုမင်နဲ့ မွန်တားနား ပြည်နယ်တို့လို ကိုယ်ဝန်ဖျက်ချဖို့ ကန့်သတ်တားမြစ် ချက်တွေ ရှိနေတဲ့ ပြည်နယ်တွေမှာတော့ အခြေအနေတွေ စောင့်ကြည့်ကြည့်သွားဖို့ရှိတယ်လို့ အဲဒီ ကုမ္ပဏီနှစ်ခုက ပြောပါတယ်။
ဥပဒေအရ ခွင့်ပြုချက်မရှိတဲ့ ပြည်နယ်တွေမှာ ဆေးရောင်းချသွားမှာမဟုတ်ဘူးလို့ ကုမ္ပဏီ တာဝန်ရှိသူတွေက ဆိုထားပါတယ်။
Mifepristoneဆေးကို ကိုယ်ဝန်ဖျက်ချဖို့အတွက် သုံးမယ်ဆိုရင် ဆေးနှစ်လုံးသုံးရမှာ ဖြစ်ပြီး အမေရိကန် အစားအစာနဲ့ ဆေးဝါး စီမံခန့်ခွဲရေးက ပထမဆုံး ခွင့်ပြုခဲ့တဲ့ ဆေးလည်း ဖြစ်ပါတယ်။
ဒီဆေးဟာ ကိုယ်ဝန်ဆက်လက်ရှင်သန်ဖို့ လိုအပ်တဲ့ progesterone လို့ခေါ်တဲ့ ဟော်မုန်းကို တားဆီးပေးတာဖြစ်ပြီး misoprostol လို့ခေါ်တဲ့ ဒုတိယဆေးလုံးကတော့ သားအိမ်ကို အလွတ် ဖြစ်သွားအောင်ရှင်းလင်းပေးမှာဖြစ်တယ်လို့ သိရပါတယ်။
Mifepristoneဆေးကို ကိုယ်ဝန်ပျက်ကျတဲ့(သားလျော) အမျိုးသမီးတွေ အပြင်ဟော်မုန်းနဲ့ ဆက်စပ်တဲ့ ပြဿနာတွေအတွက်လည်း အသုံးပြုနိုင်တယ်လို့ သိရပါတယ်။
Ref:BBC
ရေး ၊ မေ ၂၁ စစ်အာဏာရှင်တိုက်ဖျက်ရေးအတွက် စစ်ကောင်စီကို စစ်ကြေညာခဲ့တဲ့ မွန်ပြည်သစ်ပါတီ AD အ နေနဲ့ သုံးလတာပြည့်မြောက်ချိန်မှာ ပြည်တွင်းပြည်ပရှိ မွန်အဖွဲ့အစည်းအသီးသီးနဲ့ အွန်လိုင်းကနေ…
ဖာပွန်၊ မေ ၂၁ ကရင်ပြည်နယ် ဖာပွန်မြို့အနီး ကျန်ရှိတဲ့ စစ်ကောင်စီရဲ့ ဖာပွန်စစ်ဗျူဟာနဲ့ တပ်ရင်းတွေကို တော် လှန်ရေး မဟာမိတ်ပူးပေါင်းအဖွဲ့တို့က ပိတ်ဆို့တိုက်ခိုက်နေတဲ့အတွက် နှစ်ဖက်တိုက်ပွဲ ပြင်းထန်နေတယ်လို့…
သထုံ ၊ မေ ၂၁ မွန်ပြည်နယ် သထုံခရိုင်ထဲကို အခုလအတွင်း စစ်ကောင်စီတပ်တွေရဲ့ လက်နက်ကြီးပစ်ခတ်မှုကြောင့် အရပ်သားပြည်သူ ၄ ဦး သေဆုံးပြီး ၂၂ ဦး…
တနင်္သာရီ၊ မေ ၂၀ တနင်္သာရီတိုင်း တနင်္သာရီမြို့နယ် ညောင်ပင်ကွင်းအခြေစိုက် ခမရ ၅၆၁ တပ်ရင်းမှ ထွက်လာတဲ့ စစ်ကောင်စီ စစ်ကြောင်းဟာ ကြားဖြတ်တိုက်ခိုက်ခံရပြီး စစ်ကောင်စီတပ်သား တစ်ဦး…
ကျိုက်ထို၊ မေလ ၂၀ မွန်ပြည်နယ်၊ ကျိုက်ထိုမြို့နယ်၊ အင်္ဂဘိုကျေးရွာ၊ မုပ္ပလင်နဲ့သိမ်ဇရပ်မြို့အနီးတွေမှာ တိုက်ပွဲတွေပြန်ဖြစ်နေတယ်လို့ တော်လှန်ရေးအဖွဲ့ဝင်တွေက မေ ၂၀ ရက်နေ့မှာ ပြောပါတယ်။ ပြီးခဲ့တဲ့ မေ…
တိုင်ပေ၊ မေ ၂၀ မေ ၂၀ ရက်နေ့က ပြုလုပ်ခဲ့တဲ့ ကျမ်းသစ္စာကျိန်ဆိုပွဲမှာ သမ္မတသစ် ဝီလီယံလိုင်က ထိုင်ဝမ်ကို ခြိမ်းခြောက်နေတာတွေ ရပ်တန့်ဖို့ တရုတ်ကို တိုက်တွန်းပြောကြားလိုက်ပါတယ်။…
This website uses cookies.